ဆွိ

၃ဒေါ်လာတန်အောင် စိတ်ကူးတွေယဉ်ပလိုက်တယ်။ ဗမာငွေနဲ့ပြန်တွက်ကြည့် လောက်ပါ့လောက်ပါ့မလားလို့ စိတ်ပူရတာလည်းအမောပဲ။ ကုန်ဈေးနှုန်းတွေကလည်း ကြီးမြင့်သကိုး။ အမျိုးတွေအတွက်လည်းခွဲတမ်းချရ သေးတယ်။ အိမ်ကကောင်က ထီထိုးရင်းဘေးက Maid ငှားတဲ့ဆိုင်ကို မျက်စောင်းထိုးထိုးနေတာ။ ပေါက်ရင် အွန်စောထက် မညံ့တဲ့ Maid လေးတစ်ယောက်လောက် ငှားပေးပါတဲ့။ လာလာချည်သေး။ နေစရာဖြင့်ကျောတခင်းစာပဲရှိတယ်။၂ယောက်အိပ် ကုတင်ကို တယောက်တခြမ်းအိပ်ရတာလေ။ ဘယ်နေရာ သွားထားမှာလဲဆိုတော့ ကုတင်ခြေရင်းဖျာခင်းပေးမယ်တဲ့။ အဲလိုပညာရှိများသေရင်ဘယ်လောက် ပုပ်စော်နံလိုက်မလည်းမသိဘူး။ သမံသလင်းမှာဖျာခင်းပေးလို့ မနက်ကျစန့်နေမှ အမှုပတ်နေဦးမယ်။ ဒါနဲ့ပဲ အဲ့အစီအစဉ် ပယ်လိုက်တယ်။ နေစရာဆိုလို့ ဆွိသာမပေါက်တယ် စလုံးမှာအနော်တို့ နှစ်ယောက်လောက် ကံထူးတဲ့သူရှိဘူးဗျ။ Master badroom ကို S$ ၉၀ နဲ့နေတာပါကြည့်တော့။ ဗျာ ငှားချင်လို့လား။ ပေါက်ဈေးရရင် Dinning Room ထဲထွက်အိပ်ပေးမယ်းP ။လိပ်စာသိချင်ရင်တော့ သံရုံးက ခပ်ချောချောအမကြီးကို သွားမေး။ အခွန်ဆောင်တိုင်း လျော့ပေးဖို့ မျက်ရည်ခံထိုးတဲ့ကောင်လေးလို့မေး။

ငွေနောက်လိုက်ရတာလည်း မောချင်သလိုလိုဖြစ်လာပြီ။ ဇောကြောင့်သာ မသိသာတာပါ။ ဘ၀၊ ဘ၀ ဘကုံးနဲ့ ၀ လို့သာပဲ။ ဗ နဲ့သာ ဗရင် ထွက်ပေါက်တောင်ရှိမှာမဟုတ်ဘူး။ အိမ်ကလည်းကြွေးပူသတဲ့။ အဲလိုများ ပြောလို့ရှိရင်ရှိတဲ့မျက်ခွက်ဘယ်နားသွားထားရမှန်းမသိဘူး။ (အမျိုးသမီးအိမ်သာထဲ ထည့်ထားလို့တော့ မပြောနဲ့ နော်-လူဇိုး) ။ ကြွေးပူလေးမြန်မြန်ဆပ်နိုင်အောင် မျှော်လင့်ချက်ကလည်းဒါပဲရှိတာပဲကိုး။ တစ်လုံးလွှဲ နှစ်လုံးလွှဲ ဂတုံးလည်း မွဲတာပဲ။ (အလကားပြောတာပါ။ ၀င်ငွေရဲ့ ၁၀% ပဲထိုးတယ်) ။ ပိုက်ဆံများရှိလို့ကတော့လေ ကတ်တီးယား စိန်တိုက်က စိန်တွေဝယ်ပြီး တိုက်ကြီးက သံပရာသီးနဲ့သာဖျော်သောက်လိုက်ချင်တယ်။

စီးပွားရေးသာကျတယ်ပြောတာ ညနေဆို 4Dဆိုင်မှာလူပြည့်နေပြီ။ လာဦးမယ် နောက်နှစ် Casino။ ဘဘလီ ကတော့ပြောပါတယ်။ ငါရှိသရွှေ Casino မရှိစေရဘူးတဲ့။ သူ့သားက လုပ်ချလိုက်ပြီလေ။ စလုံးတွေများ လောင်းကစားဝါသနာ ပါချက်ကတော့ တပတ်လုံး မပြတ်ဘူးဗျို့။ တနင်္လာ၊ ဗုဒ္ဓဟူး၊သောကြာဆို 4D၊ ကြာသာပတေး၊တနင်္လာဆို Toto၊ စနေ၊တနင်္ဂနွေဆို ဘောလုံး၊ မြင်းပွဲကပါလိုက်သေးတယ်။ ဒီကြားထဲ မလေးတို့ တရုတ်တို့သွားပြီး Casino ကလည်းကစားသေး။ (အဲဒါကြောင့် အိမ်က အမျိုးသမီးမခေါ်ချင်တာ) ဟီးဟီးလူကြားရင် အဟုတ်မှတ်နေဦးမယ်။ “အိမ်က အမျိုးသမီး”ရာဇ၀င်က ဒီလိုဗျ။ သူငယ်ချင်းတစ်ကောင်ပေါ့ ကြည်ကြည်နှုးနှုးအတွဲ လေးများမြင်ရင် စုပ်သပ်ပြီး ညီးတယ်။ “အိမ်က အမျိုးသမီးပြန်ခေါ်ရင်ကောင်းမယ်” တဲ့။ မပြုံးပဲဝါးလုံးကွဲ ရီလိုက်ရတာ IC ၁၅ နှစ်ပြည့်ခွေထဲက မျိုးကြီးအသံနဲ့။ လူကဖြင့် မွဲပြာကျနေတာ။ ရည်းစားဖြင့် မူးလို့ရှုစရာတောင်မရှိဘဲနဲ့။(မှတ်ချက် -ရည်းစားသည် ရှုဆေးမဟုတ်ပါ)။ထားပါ။ ဒါနဲ့အကြောင်းညီညွတ်ရင် အဲ့စကားကပါပါလာတယ်။

အဲဒီတော့ စီးတဲ့ရေ၊ ဆည်တဲ့ကန်သင်းဆိုသလို နိုင်ငံ့ငွေတွေ သူများဆီမရောက်အောင် ဘဘလီလည်း မချစ်သော်လည်းအောင့်ကာနမ်းလို့ Casinoဖွင့်ဖို့သဘောတူရတာပေါ့။ ဘာပဲဖြစ်ဖြစ် အလုပ်လေး ရလို့ရငြား စနည်းနာကြည့်ရဦးမှာပဲ။ ကံလည်းစမ်းရင်ပေါ့။ ကန် ကောင်းအောင် ဘိလပ်မြေများများ စားရမလားလို့ ကြံစည်မိရဲ့။(ငိုမဲ့သူမရှိတာနဲ့ ပယ်လိုက်တယ် :P) မိတ်ဆွေလည်းကံစမ်းကြည့်ပါ။ လှန်ထားတာ မြင်ရတယ်တဲ့။ ကာထားတာကိုမမြင်ရဘူးလို့ ဆိုရိုးစကားရှိတယ်မဟုတ်လား။ မှားလို့ လှံထမ်းလာတာ မြင်ရတယ် ကံထမ်းလာတာ မမြင်ရဘူးမဟုတ်လား။ ကျုပ်လည်း အဲဒီမမြင်ရတဲ့ ကံကိုစမ်းတ၀ါးဝါးလိုက်စမ်းမိလေရဲ့။

ကျနော့်ဂဏန်းလေးများပေါက်ခဲ့ရင် အကြောင်းကြားပေးပါဗျာ။ ပထမဆုပေါက်ခဲ့ရင် လာလည်တဲ့သူအားလုံးကို စိန်နဲ့ သံပရာတိုက်ပါ့မယ်။ တကယ်။ ကျေးဇူးတင်လွန်းလို့။

ရီသောသူများအသက်ရှည်ကြပါစေ။
ရေတမာ