Tuesday, June 05, 2012

Bus ကားပေါ်မှ ဟာသများ

7 comment

တနေ့က မြို့ထဲကို အထည်သွားပို့တယ်။ အထုပ်တွေနဲ့မို့လို့ အဲကွန်းbus ပဲစီးမယ်လို့ ဆုံးဖြတ်ပြီး ၈၆ တက်စီးလိုက်တယ်။ ကားက ဘေးဖက် ၂ ဖက် မျက်နှာချင်းထိုင်စီးရတဲ့ကားဖြစ်နေတယ်။ အထုပ်တွေနေရာချပြီး ခုံမှာ ထိုင်စီးသွားလိုက်တယ်။ လမ်းဆုံမှာ အမျိုးသမိးကြိးတယောက်ရယ် ကလေးတယောက်ရယ် ကောင်မလေးတယောက်တက်လာကြတယ်။ ကျနော်ဘေးမှာ ၂ ယောက်ပဲထိုင်လို့ရတော့ အမျိုးသမီးကြီးနဲ့ ကလေးနဲ့ကထိုင်တယ်။ ကောင်မလေးက သူတို့ရှေ့မှာ မတ်တပ်ရပ်လို့။ သီရိမင်္ဂလာဈေးကျ ငါးရောင်းတဲ့ ကုလားမကြီး လင်ပန်းတွေနဲ့ တက်လာတယ်။ ကောင်မလေး ဘေးမှာ ၀င်ရပ်တယ်။ တဖက်က လင်ပန်းကိုင် တဖက်က လက်ကိုင်ကွင်းကို ကိုင်ပေါ့။ အဲဒီအချိန်မှာပဲ ကလေးရဲ့ ဖိနပ်က ကျွတ်သွားတယ်။ ကောင်မလေးက ကျွတ်သွားတဲ့ဖိနပ်ကို ကောက်ပြီး ကောင်လေးကို စီးပေးနေတုန်း ကားက ၀ုန်းဆို ထွက်သွားတာ ကောင်မလေးလည်း ဟန်ချက်ပျက်ပြီး ဆွဲမိဆွဲရာ ဆွဲတာ သူ့ဘေးက ကုလားမကြီး နို့ကို သွားဆွဲမိလျက်သားဖြစ်သွားတယ်။ ကုလားမကြီးလည်း မည်းနေတဲ့မျက်နှာ နက်သွားတာပဲ။ ကောင်မလေးက သတိဝင်လာတော့မှ အဲ ဆောရီး ဆောရီးဆိုပြီး ပြုံးစိစိဖြစ်ကုန်ကြရော။

နောက်တခါက ကျနော့်အဖြစ်ဗျ။ လူစုံတုန်း ရှင်းပြလိုက်ဦးမယ်။ အိမ်က မော်တာပျက်လို့ အင်းစိန်ကို သွားပိုဖို့ဖြစ်လာတယ်။ သူငယ်ချင်း ကောင်မလေးနဲ့ သွားပို့ကြတယ်။ မော်တာကြီးက တော်တော်လေးတယ်ဗျ။ ကားက သုံးဆင့်လောက်စီးရမှာ။ အိမ်က ထွက်တော့ ဒိုင်နာစီးပြီး တမှတ်တိုင်စိးရတယ်။ ဒိုင်နာလာတော့ ၂ ယောက်သားတက်လိုက်ကြတယ်။လူကအပြည့်ပဲ။ နောက်နားမှာ ရပ်ပြီး မော်တာကို ခြေထောက်ကြားထားလိုက်တယ်။ လက်နှစ်ဖက်ကလည်း အပေါ်တန်းကိုင်ထားတယ်။ ရှေ့မှာ မိန်းမ ၀ ၀ကြီးက ဘေးတန်းကိုင်ပြီး ကုန်းကုန်းကြီး။နောက်မှာ သူငယ်ချင်းကောင်မလေး။ သူက ကားခ ပေးပြိး အမ်းတဲ့ ပိုက်ဆံကို လက်ကကိုင်ထားတယ်။ သူလည်း လက်နှစ်ဖက်မြှောက်ထားတော့ ကျနော်က ပိုက်ဆံကို အိပ်ထဲထည့်ပေးမယ်ဆိုပြီး လှမ်းယူလိုက်တယ်။ ထင်ထားတာက ၂၀၀ တန်ပေးမယ်ထင်တာ။ ၁၀၀ တန်လောက်ပဲအမ်းမယ်ထင်ထားတာ။ အအမ်း ၉၀၀ ဖြစ်နေတော့ ၅၀၀ တန်တဲ့ ၂၀၀ တန်က မိန်းမ၀၀ကြီး နောက်နားကျသွားတယ်။ ကျနော်လည်း လေလွင့်သွားမှာ စိုးတာနဲ့ ကမန်းကတန်း ကုန်းကောက်လိုက်တာ။ မျက်နှာကို အိကနဲပဲ။ မိန်းမကြီးကတော့ သိလိုက်မယ်မထင်ပါဘူး။ ကျနော်လည်း ဇောနဲ့ဆိုတော့ အဖြစ်အပျက်ကိုသတိမထားလိုက်ဘူး။ နောက်မှာ အာ ငါနှယ်ကွာ ဆိုပြီး ကိုယ့်မျက်နှာကို ကိုယ်ပြန်သုတ်လိုက်ရတယ်။ အဟီး

သူငယ်ချင်းတယောက်ကျတော့ ကံကောင်းလို့ ပါးအရိုက်မခံရတဲ့ အဖြစ်ဗျ။ သူက မီနီbus ပေါ်မှာဖြစ်တာ။ ကားလည်းသိပ်မစီးတတ်သေးဘူး။ မီနီbus လာတော့ ကားပေါ်တက်လိုက်တယ်။ လူလည်းရှင်းပါတယ်။ စပယ်ရာက နောက်သွားဆိုလို့ နောက်နားအထိသွားတယ်။ အပေါက်နားမှာ ကောင်မလေးတယောက် ဆင်းမလို့ရပ်နေတယ်။ သူ့ဖက်ကို မျက်နှာမူထားတယ်။ အဲဒီအချိန်မှာ ကားက ဒတ်စတော့ ဘရိတ်အုပ်လိုက်တာ။ နောက်နားကနေ အရှိန်လွန်ပြီး အပြေးအပိုင်းနဲ့ ကောင်မလေး ရင်ပတ်ကို သွားတွန်းသလိုဖြစ်သွားတယ်။ ကောင်မလေး ရင်ပတ်က ပိန်သွားတယ်ဗျ။ သူခမျာ ရင်ပတ်ကိုကြည့်ပြီး ဟောဗျာ ဟောဗျာနဲ့ ပြန်ဖောင်းပေးမလို့ လုပ်နေတုန်း ကောင်မလေးလည်း တချိုးတည်း ဆင်းပြေးတော့တာပဲ။

အားလုံးပြုံးပျော်နိုင်ကြပါစေ

Monday, January 23, 2012

၂၀၁၁-၂၀၁၂ နှလုံးသားရေး သ၀ဏ်လွှာ

3 comment
မင်းဆီ မလာနဲ့ဆိုပြီး
မြစ်ဆုံ စီမံကိန်းလို မကန့်ကွက်လိုက်ပါနဲ့
မေတ္တာဆည်က အချစ်ဓါတ်အားတွေ လိုအပ်သလောက် ပေးနိုင်ပါတယ်

မင်းဆီ ဖုန်းမဆက်နဲ့ဆိုပြီး
ထားဝယ်ကျောက်မီးသွေးစက်ရုံလို မပိတ်ပင်လိုက်ပါနဲ့
မင်းပတ်ဝန်းကျင်ကို မထိခိုက်စေရပါဘူး

အမတ်လောင်းတယောက်လို မဲဆွယ်နေတာမဟုတ်ပါဘူး
မင်းရဲ့ မေတ္တာရွေးကောက်ပွဲမှာ အနိုင်ရဖို့ အတွက်ပါ
မင်းရဲ့ နှလုံးသားလွတ်တော်မှာ နေရာတနေရာ ရဖို့ပါ

စီးပွားရေးပေါ်လစီအရ သံတမန်ခင်း နေတာမဟုတ်ပါဘူး
ငါ့ဘ၀တခုလုံး ရင်းနှီးမြှုပ်နှံဖို့ပါ
ကိုယ်ကျိုးသက်သက် အမြတ်ထုတ်မှုမျိုး မဟုတ်ရပါ

အပစ်အခပ်ရပ်စဲရေးလို စေ့စပ်ညှိနှိုင်းနေတာမဟုတ်ပါဘူး
မင်းအတွက်ဆို အမြဲတမ်း လက်နက်ချပြီးသားပါ
ငါ့အသည်းအနာတရ မဖြစ်ဖို့ ငြိမ်းချမ်းရေး တောင်းဆိုမှုမျိုးပါ

ဒီမိုကရေစီအရေးလို တွေ့ဆုံဆွေးနွေးချင်တာ မဟုတ်ပါဘူး
ငါ့နှလုံးသားရဲ့ အခွင့်အရေးအတွက်ပါ
ပူးပေါင်းဆောင်ရွက်မယ်ဆိုတဲ့ သဘောတူညီမှုမျိုး လိုလားတာပါ

သဘာဝပတ်ဝန်းကျင်လို မင်းကို ကာကွယ်စောင့်ရှောက်ပါ့မယ်
ရှေးဟောင်းအမွေအနှစ်လို မြတ်နိုးတန်ဖိုးထားပါတယ်
ကားအိုကားဟောင်းပယ်ဖျက်သလို ဘယ်တော့မှ အစားမထိုးပါဘူး

အချစ်ကိုယုံကြည်မိလို့ နှလုံးသားအကျဉ်းချခံထားရတဲ့သူကို
လူပျိုကြီးဘ၀က လွတ်ငြိမ်းချမ်းသာခွင့်ပေးပါ့လားကွယ်

ဝေလင်း
၂၂၊၁၊၂၀၁၂

p.s မင်းသာငြင်းပယ်ခဲ့ရင် ၂၀၁၂ မှာ ငါ့ကမ္ဘာတကယ်ပျက်မှာ

Saturday, November 12, 2011

ရိုက်ကြဦးမလား ဓါတ်ပုံ

2 comment

တိုးတက်ပြောင်းလဲလာတဲ့ ခေတ်ကြီးထဲမှာ စီးပွားရေးဈေးကွက်လည်း တခုအပါအ၀င်ပါ။ ထုတ်ကုန်တွေ လူသိများဖို့ ကြော်ငြာ ကဏ္ဍတွေနဲ့ မြင့်တင်ကြတယ်။ မြို့ထဲမှကြည့်ကြည့်။ နေရာတိုင်းမှာ ချောမောလှပပြီး စွဲဆောင်မှုရှိတဲ့ မင်းသားမင်းသမီးတွေနဲ့ ရိုက်ထားတဲ့ bill board တွေအပြည့်။ ဘယ်ဂျာနယ်၊ ဘယ်မဂ္ဂဇင်း ဖတ်ဖတ် အလှဓါတ်ပုံတွေ များမှများ။ အိမ်ထဲက ပြက္ခဒိန်တွေမှာလည်း သူတို့ပဲ။ Fan တွေဆိုရင် wall sheet တွေတောင် ရှိကြတယ်မဟုတ်လား။

ဝါသနာပါသူတွေအတွက်ဆိုရင် Studio တွေပေါမှပေါ။ သူငယ်ချင်းတယောက် ဘယ်လောက်ဝါသနာပါလဲဆိုရင် ရတဲ့ လခ ၂သိန်းကို album ၂ အုပ်ရိုက်ပစ်တယ်။ တအုပ်ကို တသိန်းတဲ့။ ဘုရားရေလို့။ face book လို့ social site တွေမှာလည်း အလှပုံတွေ မြင်ရတယ်။ မဂ္ဂဇင်းတွေမှာလည်း အလှပုံတွေ ၀င်ပြိုင်ကြတာတွေရှိတယ်။

ချောတဲ့သူဖြစ်ဖြစ်၊ ရုပ်ဆိုးတဲ့သူပဲဖြစ်ဖြစ် လှလှပပ၀တ်စားပြီး ဓါတ်ပုံ အရိုက်ခံချင်ကြတာပဲ။ ၁၂ ပွဲဈေးထဲမှာတောင် studio အသေးလေးတွေ တွေရသေးတာပဲ။ တောရောမြို့ပါမကျန် ဓါတ်ပုံပိုးဝင်နေကြတာပဲလေ။ တချို့က အမှတ်တရ၊ တချို့က အပျော်၊ တချို့က ၀ါသနာပါလို့ ရိုက်ကြတယ်။ တချို့က အပြင်မှာ မလှပေမယ့် ပုံထဲမှာ လှကြတယ်။ မလှလည်း အခုခေတ်မှာ ပြင်လို့ ရနေတာပဲ။

ကျနော်လည်း အမှတ်တရ အနေနဲ့တော့ ဓါတ်ပုံအရိုက်ခံပါတယ်။ ၀ါသနာတော့ မပါပါဘူး။ ရုပ်လည်းလှမှမလှပဲ။ ကြည့်ပျော်တယ်တောင် မထင်ပါဘူး။ တယောက်ထဲပုံတော့ ရိုက်ခဲတယ်။ အုပ်စုပုံရိုက်တယ်။ ရှက်တတ်တော့ နောက်နားနေတာများတာပဲ။

အခုတော့ ကျနော် ဓါတ်ပုံ အရိုက်ခံရတာရိုးသွားပါပြီ။ Studio ထဲလည်း တယောက်တည်း ၀င်ရဲပြီ။ အထဲမှာရှိတဲ့ မီးလုံးတွေနဲ့လည်း ရင်းနှီးနေပြီ။ ယောကျာ်းလေး မပြောနဲ့။ မိန်းကလေးဓါတ်ပုံ ဆရာနဲ့တောင် ရိုက်ရဲတယ်။ တယောက်ထဲတောင်မဟုတ်ဘူး အကူသုံးလေး ယောက်နဲ့လည်း ရိုက်ရတာပဲ။ သူတို့က ဘယ်လိုနေ ဘယ်လိုပုံဆိုပြီး အနီးကပ်လာပြင်လည်း ရင်မခုန်တော့ပါဘူး။ ဒီကြားထဲ *မိတ်ကပ်လာလိမ်းတဲ့ မမတွေရှိသေးတယ်။ မောင်လေး အစမ်းလိမ်းမယ်ဆိုတာပါသေး။ ပြီးရင် ရိုက်မယ့်မမက ဟိုကိုင် ဒီကိုင်လာလုပ်တယ်။ ပြီးရင် **mood ထည့်ထားမယ်။ ရိုက်ပြီဆိုပြီး မီးတွေဝင်းသွားတော့တာပဲ။

တခါတလေ မမတွေနဲ့ပဲ အ၀တ်မပါပဲ ရိုက်ခဲ့တာတွေ ရှိသေးတယ်။ ဘာဖြစ်လည်း သူတို့လည်း အလုပ်လုပ်နေတာ ကိုယ်လည်း အလုပ်လုပ်နေတာပဲ။ ဘယ်တတ်နိုင်မလဲ။ တချို့မမတွေဆို အပေါ့တောင် မသွားခိုင်းဘူး။ ဆိုးချက်။ သူတို့ခိုင်းသမျှ လုပ်ရတာပဲ။

သူုတို့တွေ ၀ဏ္ဏခွါနီးလောက် ပီတာလောက် တော်သလား စိတ်မ၀င်စားပါဘူး။ ကျနော့်ပုံလည်းလှသည်ဖြစ်စေ မလှသည်ဖြစ်စေ လိုချင်တဲ့ပုံစံရဖို့ အရေးကြီးတယ်လေ။ ဓါတ်ပုံ အရိုက်ခံရင် စဉ်းစားမိတယ် ဪ ငါ့လို ဓါတ်ပုံရိုက်ဖို့ ၀ါသနာမပါတဲ့ သူကျမှ ဘာလို့ ခဏခဏ အရိုက်ခံနေရတာလဲလို့။ ၀ဋ်ရှိရင်လည်း ကျေပါစေတော့လေ။

အ၀တ်အစားလဲပြီး Studio ခန်းမတံခါးကို တွန်းဖွင့်လိုက်တယ်။ အခန်းဝမှာ မီးစိမ်းလေးက လင်းလို့။ ဒီ sign လေးက လှောင်ပြုံးပြုံးပြနေသလိုပဲ။






*မိတ်ကပ် = ဆေးဓါတ်မှန်ရိုက်ဖို့ IV contract ဆေးပါ

** mood = အသက်အောင့်ခိုင်းတာ

ကျန်းမာကြပါစေ