ဖိနပ်ပါး

စာမရေးနိုင်တာလည်း တော်တော်ကြာနေပါပြီ။ ရေးတတ်လို့တော့မဟုတ်ပါဘူး။ စိတ်ထွက်ပေါက်တစ်ခုအနေနဲ့
ရေးနေတာပါ။ ဒီနေ့ နေသိပ်မကောင်းပေမယ့် နောက်ဆုံးသင်ခန်းစာပြေးတက်ရင်း အဲကွန်းဒဏ်မခံနိုင်လို့ break
time တင်ပြန်ပြေးလာခဲ့ပါတယ်။ နေမကောင်းတော့ ထုံစံအတိုင်း အရာရာကို စိတ်ပျက်တဲ့ ရောဂါဝင်လာရင်း
အိမ်ပြန်လမ်းတလျောက် ခေါင်းသာတွင်တွင်ခါရမ်းလာမိပါတော့တယ်။ အိမ်ရှေ့မှတ်တိုင်ရောက်တော့ ဗိုက်ထဲမှာ
ဟာလာတာနဲ့ စားစရာ၊ဆေးတွေ ၀ယ်ရင်းကိုယ့်ဘာသာကိုယ် စောင့်ရှောက်ရတော့တာပေါ့။ မမိုးချိုသင်းစကားငှား
သုံးရရင် “ကိုယ့်ဘာသာကိုယ်စောင့်ရှောက်ခြင်းသည် သူတစ်ပါးကိုလည်းစောင့်ရှောက်ခြင်းမည်သည်” တဲ့။

စားသောက်ပြီး အချိန်ရှိသေးတာနဲ့ လွတ်သွားတဲ့သင်ခန်းစာတွေ ပြန်ကြည့်ရင်း စာရေးချင်စိတ်ပေါက်လာတယ်။
အရင်ကတော့ ကွန်ပြုတာရှေ့မှာ ခေါင်းထဲပေါ်လာသမျှ ချရေးတာပါ။ သူငယ်ချင်းတစ်ယောက်က လက်ရေးစာမူ
ကြည့်ချင်တယ်လို့ အရင်ပြောဖူးတာ သတိရပြီး စာရွက်ပေါ်ချရေးမိတယ်။ ဘာရေးရမလဲလို့ စဉ်းစားနေတုန်း
သူငယ်ချင်းဖွင့်တဲ့သီချင်းသံကြားရတယ်။ ကိုအငဲရဲ့သီချင်း “ရုပ်ဝတ္တုတို့ဆီ လိုက်ရင်းပြေးရင်း ~~~~
ဖိနပ်လည်းပါးတော့မယ့်”ဆိုတဲ့သံစဉ်ကို တော်တော်သဘောကျသွားတယ်။ ဒါနဲ့ပို့စ်လေးကို
ခေါင်းစဉ်ပေးလိုက်တယ်။ “ဖိနပ်ပါး”လို့။

ဒီသံစဉ်ကြားတိုင်းကိုယ့်မှာရှိတဲ့ တစ်ရံတည်းသော၊ အမြီးပါးနေသော all star လေးကိုပဲ ပြေးမြင်မိတယ်။
ရုပ်ဝတ္တုတွေနောက် စလိုက်ရင်း ၂ နှစ်အကြာမှာ ၀ယ်ခဲ့တဲ့ ဖိနပ်လေးပေါ့။ ကိုယ်ပိုင်ဝင်ငွေနဲ့ ၀ယ်ထားပြန်၊
ကိုယ်ကြိုက်တဲ့ တံဆိပ်လေးလည်း ဖြစ်တော့ တရိုတသေစီးရင်း နှစ်အတော်ကြာညောင်းလာပါပြီ။ ဖိနပ်အသစ်ဝယ်ဖို့
စိတ်ကူးရှိပေမယ့် တခြားကုန်ပေါက်တွေ ပေါ်ပေါ်လာတာနဲ့ သူ့ကိုပဲ အသုံးတော်ခံစေခဲ့ပါတယ်။
အကောင်းကြိုက်ပေမယ့် ရတဲ့ဝင်ငွေနဲ့ ချင့်ချိန်ပြီး မျက်စပစ်ထားတဲ့ ဖိနပ်တွေလည်းမနည်းတော့ပါဘူး။

ကျနော်ဖိနပ်ရှပ်တိုက်စီးတာကို မုန်းတီးပါတယ်။ ကျနော်ကိုယ်တိုင် သတိထားပြီးစီးတာတောင်
ဖိနပ်အမြီးပါးလာတယ်။ အဖော်ကောင်းလို့ club သွားမယ် ဆိုလည်းသူပဲ။ စိတ်ညစ်လို့
အရက်သွားသောက်မယ်ဆိုလည်းသူပဲ။ အဖော်အပေါင်းနဲ့ ပျော်ပွဲရွင်ပွဲသွားမယ်ဆိုလည်း သူနဲ့ပဲသွားတယ်။
(ကလပ်သွားတာ၊ အရက်သောက်တာ ဟိုးအရင်တုန်းကပါ။တော်ကြာ ကိုနိုင်တို့က အခုပါလုပ်နေတယ်
ထင်မှာစိုးလို့။ ဝေရာမဏိထားတာကြာပါပြီ။ ဤကားစကားချပ်) ဘ၀တက်လမ်းဖြစ်တဲ့ ကျောင်းကိုသွားတော့လည်း
သူ့ကိုပဲ အသုံးပြုပါများတော့ မပါးပဲနေပါဦးမလား။ ဘုန်းကြီးကျောင်းသွားလည်း သူပါပါတယ်။

တခြားဖိနပ်တွေသာရှိရင် တလှည့်စီ စီးနေတာနဲ့ ဖိနပ်ပါးတာကို သတိပြုမိမှာ မဟုတ်ပါဘူး။ တစ်ရံတည်းဆိုတော့
ပါးလာတာကို မြန်မြန်သိလာပါတယ်။ သိတိုင်းလည်း “ငါရုပ်ဝတ္တုတွေနောက် တော်တော်လိုက်နေပါ့လား”လို့
စဉ်းစားမိပါတယ်။ဒီလိုပဲစဉ်းစားရင်း၊ ဒီဖိနပ်ပဲစီးရင်း၊ လျစ်လျူရှုရင်း မပြည့်ဝနိုင်တဲ့ အတောမသတ်နိုင်တဲ့
ရုပ်ဝတ္တုတွေ၊ စိတ်ခံစားမှုတွေဆီ တိုးဝင်မိလေရဲ့။ဒီလိုစီးမျောရင်း လိုချင်တဲ့ စည်းစိမ်ဥစ္စာ၊ အတတ်ပညာရပြီလား
ဆိုတော့လည်း ထင်သလောက်မရသေးပါဘူး။ ပိုက်ဆံရှာရင်း မစုဆောင်းမိခင် ဒီဖိနပ်လေးပြတ်သွားရင်
ဘယ်လိုစခမ်းသွားရပါ့။ ဒါတွေတွေးမိတိုင်း လူမှုကိစ္စမှာသုံးတဲ့ ဖိနပ်လေးချွတ်လို့ ဘုန်းကြီးကျောင်းဝင်းထဲဝင်
တရားဓမ္မနာယူ။ မသွားမဖြစ်တဲ့ လူမှုကိစ္စတွေမှာ ဒီဖိနပ်လေးပဲစီးရင်း သတိတရားလေးနဲ့ နေမယ်လို့ ဆုံးဖြတ်မိပါရဲ့။
ဝိရိယအားနည်း၊ တဏှာအားကြီးလေတော့ စိတ်ထားကမခိုင် ယိုင်နဲ့နဲ့ နှင့် ဘုရားဦးချ ဖိနပ်လေးအသာလျိုလို့
ဘုန်းကြီးကျောင်းကပြန်လာခဲ့သည်။

ကျနော်တို့ ဘ၀မှာရော အချိန်ဆိုတဲ့ ဖိနပ်ကိုစီးရင်း ပစ္စည်းဥစ္စာတွေ၊ ဂုဏ်သိမ်စည်းစိမ်တွေ၊ လောကဓါတ်ပညာတွေ
နောက် တကောက်ကောက်လိုက်ရင်း ဘယ်ချိန်ပြတ်မယ်မှန်းမသိတဲ့ ဖိနပ်ကို တမေ့တမောစီးရင်း ဘုရားမေ့၊
တရားမေ့၊ ကိုယ်ရည်ကိုယ်သွေးထက်မြက်မယ့် ဘ၀အရည်အသွေးတွေ မေ့ရင်း ငွေကြေးဥစ္စာ၊
အတောမသတ်နိုင်တဲ့ လောဘတဏှာတွေနောက်လိုက်နေကြတယ်။ ကိုယ့်အချိန်ဖိနပ်လည်း ပါးလာတာ
တ၀က်နီးပါးတောင်ရှိလာပါပြီကော။ ဖိနပ်ပါးလာတာနဲ့အမျှ ခရီးရောက်စေဖို့ သွားတဲ့ခဏ သတိပဌာန်တရားလေး
မှတ်လို့၊သီလခြုံရင်း ၊ပါရမီကျင့်ကြံ၊ပွားမေတ္တာ၊ထားမေတ္တာတွေနဲ့ ၀ိပဿနာမှတ်ကာ အထပ်ထပ်သတိပြု
နေရမယ်လို့ မှီသမျှဥာဏ်လေးနဲ့ စဉ်စားမိပါတယ်။

လေးစားလျက်
ရေတမာ