လေးစားပါတယ်(၁)

မနက်ပိုင်း အေးချမ်းနေတုန်း၊ စိတ်ချမ်းသာ ကိုယ်ချမ်းသာရှိတုန်း အခုတလော ခဏခဏ စဉ်စားမိနေတဲ့ အကြောင်းအရာလေး တစ်ခုကို ပြောမယ်။အခုတလော စဉ်းစားနေတာဆိုလို့ အခုမှ စဉ်းစားတာမဟုတ်ဘူး။ ဒီအကြောင်းအရာကို စဉ်းစားတာ တော်တော်ကြာပြီ။ နှစ်ပေါင်းကို တော်တော်ကြာပြီ။ ငယ်ငယ်ကတည်းကစပြီး စဉ်းစားတာပဲ။ ငယ်ငယ်လေး ကတည်းက စပြီးတော့စဉ်းစားခဲ့လို့လည်း တဖြည်းဖြည်းနဲ့ ဒီအကြောင်းအရာနဲ့
ပက်သက်ပြီးတော့ ပိုပြီးသဘောပေါက်လာတာ။ ငယ်ငယ်ကတည်းက နည်းနည်း သဘောပေါက်ခဲ့လို့ ဘ၀ရဲ့ဦးတည်ချက်တွေ သဘောထားတွေမှန်ခဲ့တာ။ အသက်ကြီးလာလေ ပိုပြီး နက်နက်နဲနဲ သဘောပေါက်လာလေဖြစ်လာတယ်။ ပိုပြီးသဘောပေါက်လာတယ်ဆိုတော့ အကုန်လုံး သဘောပေါက် သွားပြီလို့တော့ ပြောလို့မရဘူး။ဒီလို အကြောင်းအရာတွေကို ယ်ငယ်ကတည်းက သဘောပေါက်နိုင်ရင် ကိုယ့်ဘ၀ဟာ ပိုပြီးတော့ လေးနက်မယ်၊ တန်ဖိုးရှိမယ်။ ဦးတည်ချက်မှန်မယ်။အင်မတန် အဖိုးတန်တဲ့ဘ၀၊ ကိုယ်ရဲ့ စိတ်ဓါတ် အင်အားတွေ၊ခန္ဓာကိုယ် အင်အားတွေဟာ ဘာမှအရေးမကြီးတဲ့ ကိစ္စတွေဘက်ကို ရောက်ပြီးတော့အကျိုးမရှိဘဲ ကုန်သွားတာမျိုး မဖြစ်တော့ဘူး။မြင့်မြတ်တဲ့ဘက်ကို ဦးတည်ပြီး သွားနေရတာဟာ ပျော်စရာ အကောင်းဆုံး၊ ကျေနပ်စရာ အကောင်းဆုံးပါ။ ဒီပျော်နည်း၊ ဒီကျေနပ်နည်းကို သေသေချာချာ ခံစားလို့ ရသွားရင် တခြားပျော်နည်း၊ ကျေနပ်နည်းတွေကို တော်တော် အပေါ်ယံ ဆန်တယ်ပါလားဆိုတာ သိရတယ်။

တကယ်လိုချင်တာ ဘာလဲ။

ပြောမယ့်အကြောင်းအရာက အချက်အလက်တွေ တော်တော်များတယ်။ တစ်ခု နဲ့ တစ်ခု ဆက်စပ်မှုတွေလည်းများတယ်။ ဘယ်ကစ,ပြောရရင်ကောင်းမလဲဆိုတော့ လူတွေတကယ် လိုချင်တာ ဘာလဲဆိုတာကနေ စ,ပြောမယ်။
လူတွေတကယ်လိုချင်တာ ဘာလဲ။
စိတ်ချမ်းသာမှု။
ဟုတ်ပြီ ၊ စိတ်ချမ်းသာမှုကို လိုချင်တယ်။ ဘာပဲလုပ်လုပ် စိတ်ချမ်းသာမှုရမယ် ထင်လို့ လုပ်တာ။ ဥပမာ- ပိုက်ဆံရှာတယ်။ ဘာဖြစ်လို့ ပိုက်ဆံရှာသလဲဆိုတော့ ပိုက်ဆံရှိရင် စိတ်ချမ်းသာမယ်ထင်လို့ပဲ။ TV တွေ Video တွေကြည့်တယ်။ ဘာကြောင့် ကြည့်သလဲဆိုတော့ အဲဒီလို ကြည့်နေရင် စိတ်ချမ်းသာတယ်ထင်လို့ပဲ။ စိတ်ချမ်းသာမယ်ထင်လို့ တခြားလည်း အမျိုးမျိုးလုပ်တယ်။ တချို့စိတ်ဆင်းရဲမှုကို ဖုံးချင်လို့၊ မေ့ထားချင်လို့ လုပ်တယ်။လူတွေနေ့စဉ်လုပ်နေတဲ့ အလုပ်တွေကို အခြေခံကျကျကြည့်ရင် သူတို့လိုချင်တဲ့ စိတ်အခြေအနေလေး ဖြစ်အောင်ဖန်တီး ယူနေတာပဲဆိုတာ တွေ့ရတယ်။ Mood တစ်ခု ဖန်တီးယူနေတယ်။ mental state တစ်ခု ဖန်တီးယူနေတယ်။ အမှန်တော့ ကိုယ် တကယ်ပြန်ခံစားနေရတာ ကိုယ့်ရဲ့ စိတ်အခြေအနေ၊ကိုယ့်ရဲ့ mood ဖြစ်တယ်။ကြည်လင်အေးချမ်းတဲ့စိတ်ကို လိုချင်လို့၊ ကြည်လင်အေးချမ်းတဲ့စိတ်ကို ခံစားချင်လို့၊ ကြည်လင်အေးချမ်းသွားအောင် လုပ်တယ်။ ပျော်ရွှင်မြူးတူးတဲ့စိတ်ကိုလိုချင်လို့ ပျော်ရွှင်မြူးတူးစေမယ့် အကြောင်းအရာတွေကို လုပ်တယ်။ နောက်ဆုံး တကယ်လိုချင်တာ ဘာလဲလို့ ဆိုတော့ စိတ်အခြေအနေလေးပဲ။ တကယ်တော့ ကိုယ့်စိတ်ကို ကိုယ်ခံစားတာပါ၊ ကိုယ့်စိတ်ကို ကိုယ်အရသာခံတာပါ။ We enjoy our consciousness လို့ပြောရမယ်။တကယ်လေးနက်တဲ့ စိတ်ချမ်းသာမှုကို လိုချင်ရင် ကိုယ့်ကိုယ်ကို လေးစားတဲ့သူဖြစ်အောင် နေဖို့လိုတယ်။ ကိုယ့်ကိုယ်ကို လေးစားတဲ့စိတ်ဟာ ချမ်းသာတဲ့စိတ် ဖြစ်တယ်။ ကိုယ့်ကိုယ်ကို မလေးစားနိုင်တဲ့ သူဟာ စိတ်ချမ်းသာနိုင်မလား။ စစ်မှန်တဲ့စိတ်ချမ်းသာမှုမျိုးကို ဘယ်လိုမှမရနိုင်ဘူးနော်။ self-respect ဟာတော်တော် ကျေနပ်မှုရတယ်။
ကိုယ့်ကိုယ်ကို ဘာကြောင့် မလေးစားနိုင်တာလဲ။
မလုပ်သင့်တာတွေ လုပ်မိလို့။
မလုပ်သင့်တာတွေကို လုပ်မိတဲ့အခါမှာ "ငါ မှားသွားလေခြင်း" ဆိုတဲ့ နောင်တ ဖြစ်တယ်။ လူတွေမှာ အမှားအမှန်ကိုခွဲခြားနိုင်တဲ့ အသိဥာဏ် ရှိပါတယ်။ကလေးတွေတောင် တော်တော်သိတယ်။ ဒါကြောင့် မလုပ်သင့်တာ လုပ်မိတဲ့အခါ ရှက်တယ်။ guilt ဖြစ်တယ်။ ကိုယ့်ကိုယ်ကို အထင်သေးသွားတယ်။ ကိုယ့်ကိုသူများလည်း အထင်သေးတော့မှာပဲလို့ တွေးပြီးရှက်တယ်။ ကြောက်တယ်။ အဲဒါ တော်တော်ခံရခက်တယ်။ အဲဒါ စိတ်ဆင်းရဲမှုပဲ၊ ဒုက္ခပဲ။ ရှက်နေရတာ၊ ကြောက်နေရတာကိုယ့်ကိုယ်ကို မလေးစားတော့တာဟာ တော်တော်ကြီးတဲ့ စိတ်ဒုက္ခ ဖြစ်တယ်။ဒါကြောင့် အမှားနည်းအောင် နေဖို့လိုတယ်။ ရှက်နေရတာ၊ ကြောက်နေရတာ နည်းအောင် ကိုယ်လုပ်တာ၊ ကိုင်တာ၊ ပြောတာ၊ ဆိုတာတွေမှာ အမှားနည်းအောင် သတိနဲ့နေတဲ့ အလေ့အကျင့်ကို လေကျင့်ပြီး အမြဲ သတိကပ်ထားသင့်တယ်။မတော်တဆ နည်းနည်းပါးပါး မှားတာတော့ လူတိုင်းမကင်းပါဘူး။ တမင်တကာ စေတနာဆိုးနဲ့ လုပ်တာမျိုး မဖြစ်ဖို့ကိုပဲအထူးသတိထားပြီး ထိမ်းသိမ်းဖို့အရေးကြီးတယ်။ ကိုယ့်ကိုယ်ကိုလေးစားမှုကို ပြင်းပြင်းထန်ထန် ဖျက်ဆီးမယ့် ကိစ္စမျိုးဟာကြောက်စရာ အကောင်းဆုံးဖြစ်တယ်။

စစ်မှန်တဲ့ စိတ်ချမ်းသာမှုကို လိုချင်ရင်

ဘယ်လိုကိစ္စမျိုးတွေ လုပ်မိတဲ့အခါမှာ guilt ဆိုတဲ့ နောင်တ ရတာမျိုး၊ shame ဆိုတဲ့ ရှက်တာမျိုးဖြစ်တတ်သလဲ။
သူများကို ထိခိုက်သွားတဲ့ ကိစ္စမျိုး။အဓိက က အဲဒါမျိုးဖြစ်တယ်နော်။ သူများပစ္စည်း ခိုးတာ၊ သူများအကျိုးစီးပွား ကြီးကြီးမားမား ထိခိုက်သွားအောင် လိမ်လိုက်တာ။ သူများရသင့်တာကို ကိုယ်က ကြားကရအောင်လှည့်ယူလိုက်တာ၊ သူများသားမယားကို ပြစ်မှား လွန်ကျူးတာ၊ သူများ ဂုဏ်သိက္ခာကျအောင် မဟုတ်မတရားပြောတာ၊ သူများ အသက်ကို သတ်တာ၊ သတ်ခိုင်းတာ၊ အဲဒါမျိုးတွေ လုပ်မိတဲ့အခါ ရှက်ရတယ်။ နောင်တရတယ်။ အကျဉ်းချုံးပြီးပြောရင် သီလပျက်တာနော်။ သီလပျက်ရင် ကိုယ့်ကိုယ်ကိုလေးစားမှုမရှိတော့ဘူး။ စေတနာဆိုးနဲ့ လုပ်တာတွေ အားလုံးဟာ ကိုယ့်စိတ်ထားကို အောက်တန်းကျသွားစေတယ်။ဒါကြောင့်(guilt) နောင်တပူပန်မှု ဖြစ်ရတာ၊ (shame)ရှက်ရတာမျိုး မဖြစ်အောင်ဆိုရင် စောင့်စည်းမှု ရှိရမယ်။ သီလကို စောင့်ထိန်းရမယ်။သူတပါးအသက်ကို မသတ်ဘူး။ သူတစ်ပါးပစ္စည်းကို မခိုးဘူး၊ လိမ်ညာလှည့်ဖြားပြီး မယူဘူး။ သူတစ်ပါး သားမယားကို မပြစ်မှားဘူး။ လိမ်ညာပြီး မပြောဘူး။ မဟုတ်မမှန်တဲ့ အယူအဆ အတွေးအခေါ်ကို မပြောဘူး။ အရက်တို့ ၊မူးယစ် ထိုင်းမှိုင်းစေတဲ့ ဆေးတွေကို မသုံးဘူး၊စောင့်စည်းတယ်၊ထိန်းသိမ်းတယ် ဆိုရင်(guilt) နောင်တ ပူပန်မှုဖြစ်ရတာ၊ (shame) ရှက်ရတာမျိုးမဖြစ်ဘူး။အရက်တို့၊ မူးယစ် ထုံထိုင်းဆေးတို့၊ စိတ်ကြွဆေးတို့ကို စွဲနေတဲ့သူတွေကို တွေ့ဖူးတယ်။ သူတို့ရဲ့ အမူအရာတွေဟာ ကြည့်လို့မကောင်းဘူး။ သူတို့မျက်နှာမှာကြည်လင်မှု၊အေးချမ်းမှု မရှိတာတွေ တွေ့ရတယ်။ ညှိုးနွမ်းနေတယ်။ ကျန်းမာရေးမကောင်းတဲ့ လက္ခဏာတွေ တွေ့ရတယ်။ သူတို့ကိုယ်ကို သူတို့ ယုံကြည်မှု၊ လေးစားမှုမရှိတော့ဘူး။ပတ်ဝန်းကျင် အသိုင်းအ၀ိုင်းကလည်း သူတို့ကို တကယ်မလေးစားဘူး။
သူတို့ကို ကြည့်ရတာ ပျော်တဲ့အမူအရာလည်းမရှိဘူး။ ကြုံလို့ တစ်ခါက သူတို့နေတဲ့နေရာကို ရောက်ဖူးတယ်။ သူတို့နေရာဟာညစ်ပတ် နံစော်နေတယ်။ သန့်ရှင်းမှု သပ်ယပ်မှု မရှိဘူး။ ရှုပ်နေတယ်။ အရက်မှုးပြီးတော့ ကိုယ့်ကိုယ်ကိုတောင် သန့်ရှင်းအောင် သပ်ယပ်အောင် မလုပ်နိုင်တဲ့သူ၊ ကိုယ့်အိမ် ကိုယ့်အခန်းကိုတောင်မှ သန့်ရှင်းအောင် မထားနိုင်တဲ့သူမှာ ကိုယ့်ကိုယ်ကို လေးစားမှု(self-respect)ဘယ်ရှိနိုင်မှာလဲ။ ဘယ်လိုမှမရှိနိုင်ဘူး။ကိုယ့်ကိုယ်ကို လေးစားမှု မရှိတဲ့သူ၊ သူများကလည်းကိုယ့်ကို မလေးစားဘူးလို့ခံစားရတဲ့သူဟာ၊ အဲဒါကိုခံရခက်လို့ ကိုယ့်ကို သူများကြောက်အောင် ဒေါသကြီးကြီးနဲ့ ပြောဆိုဆက်ဆံတတ်တယ်။ ကြောက်တာဟာ လေးစားမှု အတု တစ်မျိုးဖြစ်တယ်။ လေးစားမှု အစစ် မဟုတ်ဘူး။ သူဟာ အဲဒီလေးစားမှု အတုဖြစ်တဲ့ ကြောက်တာကိုပဲ ရအောင် လုပ်တော့တယ်။ အတုလောက်နဲ့ပဲ ကျေနပ်ရတော့တယ်။ အစစ်ကိုတော့ မရနိုင်ဘူး။ကိုယ့်ကိုယ်ကို လေးစားတဲ့သူ၊သူတစ်ပါးရဲ့လေးစားမှုကို လည်းထိုက်ထိုက်တန်တန်ရတဲ့သူဟာ စိတ်ချမ်းသာတယ်။ စိတ်အေးချမ်းတယ်။ ဒါကြောင့် အများနဲ့ဆက်ဆံတဲ့အခါမှာ နူးညံတယ်။ စိတ်ရှည်တယ်။ ကြောက်တာကို သူမလိုချင်ဘူး။အရက်တို့၊ မူးယစ် ထုံထိုင်းဆေးတို့ စွဲနေတဲ့သူဟာ အလုပ်ကိုလည်း မှန်မှန်ကန်ကန် မလုပ်နိုင်ဘူး။ တချို. မိသားစုရှိတယ်။ မိသားစုကို ကောင်းကောင်းမွန်မွန် ရှာမကျွှေးနိုင်ဘူး။ မထောက်ပံ့နိုင်ဘူး။ မနေသာတဲ့သူတွေက သူတို့ကိုပြန်ပြီး ထောက်ပံ့နေရသေးတယ်။ကိုယ့်တာဝန်ကို ကိုယ်မယူနိုင်တဲ့၊ ကိုယ့်မိသားစုကို ကိုယ်ရှာမကျွှေးနိုင်တဲ့သူဟာ ကိုယ့်ကိုယ်ကို ဘယ်လိုလုပ်လေးစားမှု ရှိနိုင်မလဲ။ ရှက်နေမယ်၊ အားငယ်နေမယ်။ တချို. အဲဒီလို ရှက်နေတာ အားငယ်နေတာကို မေ့ထားနိုင်ဖို့ မူးအောင်သောက်ပြန်တယ်။မလုပ်သင့်တာတွေကို လုပ်နေတဲ့သူတွေဟာ သူတို့မှာ(guilt)အပြစ်ရှိတဲ့သူတစ်ယောက်ဖြစ်နေတဲ့အတွက် ပူလောင်တဲ့ခံစားမှု (shame) ရှက်တဲ့ခံစားမှုရှိတယ်။ဒါကြောင့် စစ်မှန်တဲ့ စိတ်ချမ်းသာမှုကို လိုချင်ရင် ပထမဦးဆုံး (self-respect)မိမိကိုယ်ကို တကယ်လေးစားမှုကို ရအောင် လုပ်ရမယ်။ သူများကိုယ့်ကိုမလေးစားတာက ကိုယ်မတတ်နိုင်တဲ့ ကိစ္စ ဖြစ်တယ်။ တချို.က ကောင်းတဲ့သူကိုတောင် မလေးစားတာ ရှိသေးတာပဲ။ ဒါသူတို့နဲ့ပဲ ဆိုင်တယ်လို့ ထားလိုက်လို့ ရသေးတယ်။ ဒါ သူ့သဘောပေါ့။ များသောအားဖြင့်တော့ ကောင်းကောင်းမွန်မွန် နေတဲ့လူကို လေးစားကြပါတယ်။ ကောင်းကောင်းမွန်မွန် နေတဲ့သူကို မလေးစားတဲ့သူဟာသူကိုယ်တိုင်က မကောင်းတဲ့သူ၊ ကိုယ့်ကိုယ်ကို မလေးစားနိုင်တဲ့သူ ဖြစ်နေလို့ပဲ။ကောင်းကောင်းနေတဲ့သူ၊ ကိုယ့်ကိုယ်ကို လေးစားတဲ့သူဟာ ကောင်းကောင်းနေတဲ့သူကို လေးစားနိုင်ပါတယ်။ အင်မတန်လေးစားပါတယ်။ စိတ်ကောင်းရှိတဲ့လူဟာ စိတ်ကောင်းရှိတဲ့သူကို သိပ်လေးစားပါတယ်။ အကျင့်စာရိတ္တ ကောင်းတဲ့သူဟာ အကျင့်စာရိတ္တ ကောင်းတဲ့သူကို လေးစားပါတယ်။စိတ်ကောင်းရှိတဲ့သူ၊ ကောင်းကောင်းမွန်မွန် နေတဲ့သူကို မလေးစားနိုင်တဲ့သူဟာ သူ့ကိုယ်သူ မလေးစားနိုင်လို့ ခံရခက်နေတာ၊ ရှက်နေတာကို reactလုပ်တာ၊ တုန့်ပြန်တာပဲ။ သူ့ကိုယ်တိုင်က မကောင်းတော့ ကောင်းတဲ့လူကို မြင်ရတဲ့အခါ သူမကောင်းတာပိုပြီးတော့ ထင်ရှားလာလို့ အဲဒီ ကောင်းတဲ့သူကိုပဲ မကျေမနပ်ဖြစ်တယ်။ တချို့တော့ ကိုယ်က ကောင်းကောင်းမနေပေမဲ့ ကောင်းကောင်းနေတဲ့လူကို လေးစားနိုင်တယ်။ အဲဒီလို လူဟာ တစ်နေ့မှာ လူကောင်းတစ်ယောက်ဖြစ်လာနိုင်သေးတယ်။ကောင်းတဲ့လူကို မလေးစားနိုင်တဲ့ လူဟာ သူကိုယ်တိုင် ကောင်းတဲ့လူဖြစ်မလာနိုင်ဘူး။
သူများရဲ့ ကောင်းတဲ့ ဂုဏ်(quality)ကိုမလေးစားရင် ကိုယ့်မှာ အဲဒီကောင်းတဲ့ ဂုဏ်(quality)မျိုး မဖြစ်ပေါ်နိုင်ဘူး။ ဒါကြောင့် သူများမှာ ကောင်းတဲ့ ဂုဏ်တစ်ခုခုရှိရင် အဲဒါကို လှိုက်လှိုက်လှဲလှဲ လေးစားနိုင်တဲ့သူ ဖြစ်ရမယ်။ ဒါမှ အဲဒီဂုဏ်(quality)မျိုးကို ကိုယ်လည်းရလာမယ်။ သူများရဲ့ ကောင်းတဲ့ ဂုဏ်ကို မလေးစား
နိုင်ရင် ကိုယ့်မှာ အဲဒီဂုဏ်မျိုး မရနိုင်အောင် မဖြစ်နိုင်အောင် လမ်းပိတ်လိုက်သလို ဖြစ်သွားတယ်။

စိတ်သန့်ရှင်းရမယ်။

လုပ်သင့်တာကို မလုပ်တဲ့အခါမှာလည်း ကိုယ့်ကိုယ်ကို လေးစားမှု(self-respect)နည်းသွားတယ်။ အဲဒါ သူများတော့မသိဘူး။ ကိုယ်ပဲသိတယ်။ဟုတ်တယ်၊လုပ်သင့်တာကို လုပ်နိုင်ပါလျက်နဲ့၊ သိပါလျက်နဲ့ မလုပ်ဘဲနေရင်လည်း ကိုယ့်ကိုယ်ကို လေးစားမှု နည်းသွားတယ်။ ဒါကြောင့်လုပ်သင့်တာကိုလည်း လုပ်ရမယ်။ မလုပ်သင့်တာကိုလည်း မလုပ်မိအောင် ထိန်းသိမ်း စောင့်စည်းရမယ်။ ဒါမှသာ မိမိကိုယ်ကို လေးစားနိုင်မယ်။မလုပ်သင့်တာ လုပ်မိလို့ ရှက်နေတယ်။ နောင်တဖြစ်နေ တယ်ဆိုရင် စိတ်မှာကြည်လင်အေးချမ်းမှု မရှိဘူး။ စိတ်မချမ်းသာဘူး။ ကိုယ့်အမှားကို ကိုယ်ထပ်ခါထပ်ခါ တွေးနေမယ်။ သို့မဟုတ်ရင် မေ့ဖို့ ကြိုးစားတဲ့အနေနဲ့ တစ်ခြားကို စိတ်လမ်းလွှဲနေရင် သူ့စိတ်ဟာ လွတ်လပ်မှုမရှိဘူး။ သူ့စိတ်က မလွတ်လပ်တော့လို့ တခြားတန်ဖိုးရှိတဲ့ ကိစ္စတွေကို လုပ်ဖို့ စိတ်မအားတော့ဘူး။ တန်ဖိုးရှိတဲ့၊ လေးနက်တဲ့၊ သိမ်မွေ့တဲ့ ကိစ္စတွေ လုပ်ဖို့ စိတ်မှာ အင်အားမရှိဘူး။ နောင်တနဲ့ ရှက်ရတဲ့အထဲမှာပဲသူ့စိတ်က ချောင်ပိတ်မိနေပြီ။
ကိုယ့်ကိုယ်ကို လေးစားမှု ရှိဖို့ဆိုတာ အကျင့်သီလနဲ့ ပက်သက်ပြီးတော့ စင်ကြယ်မှု ရှိရမယ်။ စင်ကြယ်မှုလို့ ဆိုကတည်းက သန့်ရှင်းမှုဆိုတဲ့ အဓိပ္ပါယ်နော်။ကိုယ်အမှု၊နှုတ်အမှုတွေမှာ အပြစ်ကင်းတယ်။ သန့်ရှင်းတယ်ဆိုရင်ပဲ ကိုယ့်ကိုယ်ကို လေးစားနိုင်ပါတယ်။ ဒီထက်တစ်ဆင့် မြှင့်ရရင် စိတ်သန့်ရှင်းဖို့လည်း လိုတယ်။
စိတ်ထဲမှာ ဖြစ်နေတဲ့အတွေးတွေက မကောင်းတာတွေ မတွေးသင့်တာတွေဖြစ်နေရင်၊ အဲဒီလို အတွေးမျိုးတွေ တွေးနေလို့ကိုပဲ “ငါ မတွေးသင့်တာတွေတွေးနေပါလား“ ဆိုပြီး (guilt) ပူပန်မှုဖြစ်တယ်။ “ငါ့စိတ်က မသန့်ရှင်းဘူး“ ဆိုပြီးရှက်တယ်။ဒါကြောင့် စိတ်ကို သန့်ရှင်းအောင်ထားတတ်ဖို့လိုတယ်။ ကိုယ့်စိတ်ထဲမှာ ဘာတွေတွေးနေသလဲဆိုတာနည်းနည်း သတိထားထားပြီးကြည့်ကြည့်တဲ့ အလေ့အကျင့်လေးရှိရမယ်။ စိတ်ကိုသိနေရင်၊ အတွေးတွေကို သိနေရင် မသန့်ရှင်းမှုဟာ တဖြည်းဖြည်း၊နည်းသွားနိုင်တယ်။ဖြစ်ကြောမရှည်တော့ဘူး။ သန့်ရှင်းပြီးကြည်လင်အေးချမ်းနေတဲ့စိတ်ဖြစ်တာများလာမယ်။

ဆက်လက်ဖော်ပြပါမည်။